“Барселона”нинг 20 ёшли вингери Ансу Фати учун сўнгги ўйинлар омадли кечмоқда. У “анорранглилар” таркибидаги сўнгги 3 та баҳсда 2 та гол уришга муваффақ бўлди.

Жумладан, Испания суперкубоги ярим финалидан ўрин олган, 13-январ куни “Бетис”га қарши ўтказилган учрашувнинг “овер-таймлар”и 3-дақиқасида ҳам Фати гол уриб, “Барса”ни ҳисобда олдинга олиб чиққанди.
Аммо кейинчалик севильяликлар ҳисобни тенглаштиришган, пеналтилар сериясида эса омад каталонияликларга кулиб боққанди (4:2).

Шунингдек, Ансу Испания кубоги доирасидаги “Интерсити” жамоаси билан бўлган белашувда ҳам гол уриб, “Барса”нинг 4:3 ҳисобидаги ютуғига ўзининг муносиб ҳиссасини қўшганди.