"Lids" Sanne Lammens xizmatiga muhtoj – tez orada 20 yoshli belgiyalik darvozabon “Ellan Roud”ga o‘tishi mumkin. Daily Mail'ning aniqlik kiritishicha, Lammensning "Bryugge" bilan kelishuvi yozda tugaydi, shu bois belgiyaliklar uni sotishi mumkin.
Qayd etish joizki, “Lids” juda ko‘p gol o‘tkazib yuboryapti. Bu mavsumda Jessi Marsh shogirdlaridan atigi uchta jamoa ko‘proq to‘p o‘tkazib yuborgan. Klub ayni damda Angliya Premyer-ligasida 15-o‘rinni egallab turibdi va keyingi turda "Brentford"ga qarshi bahs olib boradi.













