"Bavariya"ning 36 yoshli darvozaboni Manuel Noyer o‘zining kelajak rejalari bilan o‘rtoqlashdi.
Kicker nashrining xabariga ko‘ra, tajribali darvozabon jiddiy jarohat olganiga qaramay, futbolchilik faoliyatini yakunlashni rejalashtirmayapti. Futbolchining qishki tanaffus vaqtida oyog‘i singan, shu sababli u mavsum oxirigacha safdan chiqqan edi.
Manbaga ko‘ra, Manuel kelasi mavsum boshida safga qaytish niyatida. Darvozabon yana bir necha yilni yuqori saviyada o‘tkazishni rejalashtirmoqda.
2022/2023 yilgi mavsumda Noyer Bundesligada 12 ta o‘yin o‘tkazib, 11 ta gol o‘tkazib yuborgan. Germaniyalik darvozabonning "Bavariya" bilan shartnomasi 2024 yilning o‘rtalariga qadar tuzilgan.
