«Barselona» yarim himoyachisi Serxio Buskets «An-Nasr» taklifini rad etdi.

«Catalunya Radio» xabariga ko‘ra, Saudiya Arabistoni klubi 34 yoshli ispaniyalik futbolchiga yiliga 20 million yevro to‘lashga tayyor edi.

Yarim himoyachining «Barselona» bilan amaldagi shartnomasi 2023 yilning yoziga qadar mo‘ljallangan. Eslatib o‘tamiz, «An-Nasr»da besh karra «oltin to‘p» sohibi Krishtianu Ronaldu to‘p tepadi.

Ma’lumot uchun, joriy mavsumda Buskets barcha turnirlarda 21 ta o‘yin o‘tkazib, 1 ta golli uzatmani amalga oshirdi. Shuningdek, u 7 ta sariq va 1 ta qizil kartochka oldi.