«Барселона» ярим ҳимоячиси Серхио Бускетс «Ан-Наср» таклифини рад этди.

«Catalunya Radio» хабарига кўра, Саудия Арабистони клуби 34 ёшли испаниялик футболчига йилига 20 миллион евро тўлашга тайёр эди.

Ярим ҳимоячининг «Барселона» билан амалдаги шартномаси 2023 йилнинг ёзига қадар мўлжалланган. Эслатиб ўтамиз, «Ан-Наср»да беш карра «олтин тўп» соҳиби Криштиану Роналду тўп тепади.

Маълумот учун, жорий мавсумда Бускетс барча турнирларда 21 та ўйин ўтказиб, 1 та голли узатмани амалга оширди. Шунингдек, у 7 та сариқ ва 1 та қизил карточка олди.