Italiya kubogining nimchorak final bosqichida kutilmagan natija qayd etildi. Kuni kecha Italiya chempionatida "Yuventus"ni yirik hisobda mag‘lub etgan «Napoli» ushbu bosqichda A seriya autsayderi «Kremoneze»ga imkoniyatni boy berib, musobaqan tark etdi.

Uchrashuvning 18-daqiqasida mehmonlar hisobni ochishgan bo‘lsa, neapolliklar tanaffusga qadar 2ta gol urib, oldinga o‘tib olishdi. O‘yin tugashiga 3 daqiqa qolganida esa «Kremoneze» forvard Feliks Afena-Gyan darvozani ishg‘ol qilib, hisobni tenglashtirdi.

Qo‘shimcha bo‘limlarda (100-daqiqa) mehmonlar himoyachisi Sernikola maydondan chetlatildi.  Shunga qaramay, o‘yin taqdiri penaltilar seriyasida hal bo‘ldi.

Penaltilar seriyasida tepilgan 10ta zarbaning to‘qqiztasi golga aylandi. Faqat Stanislav Lobotkaning zarbasi noaniq chiqdi.

Shu tariqa, "Napoli" Italiya kubogini tark etdi. "Kremoneze" esa chorak finalga yo‘l oldi.

Italiya kubogi, 1/8 final
Napoli – Kremoneze 2:2 (2:1, 0:1, 0:0, 0:0), penaltilar seriyasi - 4:5
Gollar: 0:1 – 18 Pikel, 1:1 – 33 Jezus, 2:1 – 36 Simeone, 2:2 – 87 Afena-Gyan.
Napoli – Meret, Bereshinski, Jezus, Estigor (Kim Min Chje, 82), Olivera, Elmaz (Zelinski, 85), Ndombele (Osimxen, 102), Gaetano (Lobotka, 65), Simeone, Raspadori (Zambo-Angissa, 65), Dzerbin (Politano, 65).
Kremoneze – Karnezekki, Sernikola, Byanketti, Xendri (Dzanimakkya, 82), Vaskes, Kualyata (Valeri, 70), Meyte, Kastanyetti (Buonayuto, 66), Pikel (Ayvu, 109), Chiofani (Tsadju, 66), Okereke (Afena-Gyan, 65).
Ogohlantirishlar: Vaskes (29), Okereke (45), Kualyata (58), Dzerbin (61), Jezus (90), Meyte (90), Sernikola (90), Valeri (93).
Chetlatish: Sernikola (100).