Turinning "Yuventus" klubi "Chelsi" yarim himoyachisi Raxim Sterlingni mavsum oxirigacha ijaraga berish, keyin esa sotib olish variantini ko‘rib chiqmoqda. Bu haqda Italiyaning Tuttomercato nashri xabar bermoqda.
Manbaga ko‘ra, "Yuventus" angliyalik futbolchini shartnomasi mavsum oxirida tugaydigan Anxel di Mariya o‘rniga uzoq muddatli o‘rinbosar sifatida ko‘rmoqda. Eslatib o‘tamiz, Sterling hozirda jarohatidan forig‘ bo‘lmoqda va faqat fevral o‘rtalarida safga qaytishni kutmoqda.
Sterling Premyer-ligada hozircha bor yo‘g‘i 4 ta gol va ikkita golli uzatmani amalga oshirdi. Eslatib o‘tamiz, yozda "Chelsi" futbolchi uchun 50 million yevrodan ko‘proq pul to‘lagan edi.
