Туриннинг "Ювентус" клуби "Челси" ярим ҳимоячиси Рахим Стерлингни мавсум охиригача ижарага бериш, кейин эса сотиб олиш вариантини кўриб чиқмоқда. Бу ҳақда Италиянинг Tuttomercato нашри хабар бермоқда.
Манбага кўра, "Ювентус" англиялик футболчини шартномаси мавсум охирида тугайдиган Анхель ди Мария ўрнига узоқ муддатли ўринбосар сифатида кўрмоқда. Эслатиб ўтамиз, Стерлинг ҳозирда жароҳатидан фориғ бўлмоқда ва фақат февраль ўрталарида сафга қайтишни кутмоқда.
Стерлинг Премьер-лигада ҳозирча бор йўғи 4 та гол ва иккита голли узатмани амалга оширди. Эслатиб ўтамиз, ёзда "Челси" футболчи учун 50 миллион евродан кўпроқ пул тўлаган эди.
