Bugun Antaliya shahrida yangi mavsumga tayyorgarlik «Neftchi» navbatdagi o‘rtoqlik uchrashuvida maydonga chiqdi.

Bu safargi raqib Bolgariyaning ikkinchi ligasi peshqadamlaridan biri "Krumovgrad" klubi bo‘ldi. Farg‘onaliklarning to‘liq ustunligida o‘tgan ushbu bahsda «Neftchi» 2:0 hisobida g‘alaba qozondi. Gollarga Faxriddin Muhammadov va Anvar G‘ofurov mualliflik qilishdi.

Nazorat o‘yini
"Neftchi" - "Krumovgrad" (Bolgariya) - 2:0
Antaliya shahri. "Trening" stadioni.
"Neftchi":  R.Misyak (Shuhratillo Rahmonov 46),  Anvar G‘ofurov, Nodir Ne’matxonov, Rahmonjon Ro‘ziyev, Doniyor Valiyev, Muhsin Ubaydullayev, G‘ulomhaydar G‘ulomov, Sunnatillo Abdullajonov (Fozil Musayev 46), Abdulloh Olimov, Faxriddin Muhammadov, Ulug‘bek Hoshimov.

Kunning ikkinchi qismida esa Levchenko jamoasi Polshaning "Ekstraklass" ligasi vakili "Radomyak" klubi bilan bahslashishdi. Murosasiz va hujumkor ruhda kechgan mazkur uchrashuvda "Neftchi" jamoasi 2:1 hisobida g‘alaba qozondi. Gollarga Toma Tabatadze va Oliver Sharkich mualiflik qilishdi. Raqiblar esa 88-daqiqadagi belgilangan penaltidan unumli foydalanib hisobni qisqartirishga mufavvaq bo‘ldi.

"Neftchi": Akbar To‘rayev (Vladimir Nazarov 46), Zoyir Jo‘raboyev, Oleksey Larin, Andrey Mishenko, Mirzoxid G‘ofurov, Abbos G‘ulomov, G‘ulomhaydar G‘ulomov, Nurillo To‘xtasinov, Fozil Musayev, Toma Tabatadze (F.Muhammadov 52), Oliver Sharkich

"Neftchi" PFK matbuot xizmati