Jeymi Rednapp Kazemironing diskvalifikasiyasiga izoh berdi.

"Manchester Yunayted" yarim himoyachisi Kazemiro APL doirasida "Kristal Pelas"ga qarshi o‘yinda (1:1) mavsumdagi 5-sariq kartochkasini oldi. Braziliyalik futbolchi Angliya chempionatining 21-turidan o‘rin olgan "Arsenal"ga qarshi yakshanba kuni bo‘lib o‘tadigan o‘yinni o‘tkazib yuboradi.

"Biz o‘yindan oldin Kazemiro haqida gaplashgan edik. Sariq olmasligi haqida gaplashgandik. Janglarda ishtirok etmasligi haqida suhbatlashgandi. Bu juda muhim edi, chunki yakshanba kuni u "Manchester Yunayted"ga kerak edi.

Men Mikel Artetani uyda xursandchilik bilan raqsga tushayotganini tasavvur qilyapman. Chunki Kazemiro "Yunayted" uchun juda muhim. Ularda Kazemiro qilgan ishni qila oladigan hech kim yo‘q.

U xavfni qanday his qilishni biladi va jamoa uning hissasini sog‘inadi. "Arsenal" aynan shu narsani xohlardi. Bu "Arsenal" uchun katta yangilik”, - dedi “Liverpul” va “Tottenxem”ning sobiq futbolchisi Sky Sports nashriga bergan intervyusida.