"Renn" va Xorvatiya terma jamoasi yarim himoyachisi Lovro Mayer Angliya Premyer-ligasining top-klublaridan biriga o‘tishi mumkin.

Avvalroq, 25 yoshli futbolchiga qiziqish parijliklar tomonidan bildirilgan, keyin esa bu rad etilgandi. Jeunes Footeu xabariga ko‘ra, Angliyaning "Manchester Yunayted" va "Tottenxem" klublari xorvatga da’vogarlik qilmoqda, ammo futbolchining yanvardagi transfer oynasiga o‘tishi dargumon.

Lovro Mayerning "Renn" bilan shartnomasi 2027 yilgacha mo‘ljallangan. Joriy mavsumda yarim himoyachi 24 ta o‘yinda maydonga tushib, 2 ta gol urdi va 3 ta golli uzatmani amalga oshirdi.