"Ренн" ва Хорватия терма жамоаси ярим ҳимоячиси Ловро Майер Англия Премьер-лигасининг топ-клубларидан бирига ўтиши мумкин.
Аввалроқ, 25 ёшли футболчига қизиқиш парижликлар томонидан билдирилган, кейин эса бу рад этилганди. Jeunes Footeu хабарига кўра, Англиянинг "Манчестер Юнайтед" ва "Тоттенхэм" клублари хорватга даъвогарлик қилмоқда, аммо футболчининг январдаги трансфер ойнасига ўтиши даргумон.
Ловро Майернинг "Ренн" билан шартномаси 2027 йилгача мўлжалланган. Жорий мавсумда ярим ҳимоячи 24 та ўйинда майдонга тушиб, 2 та гол урди ва 3 та голли узатмани амалга оширди.
