«Bavariya» sport direktori Xasan Salixamidjich hujumchi Erik Shupo-Motingning kelajagi haqida fikr bildirdi.

«Biz Erikning agenti bilan ijobiy muloqotdamiz. Uni saqlab qolmoqchimiz. Shupo-Moting «Bavariya»da qolishni istamoqda, hozir ajoyib formada, bizga uning o‘yinlari juda yoqadi. Shartnomaning barcha tafsilotlarini yaqin kelajakda hal qilishga harakat qilamiz», - deydi funksioner.

Ma’lumot uchun, 33 yoshli futbolchi hozirda yiliga 3,5 million yevro maosh oladi. Erik-Maksim Shupo-Moting klub bilan uzoq muddatli shartnoma imzolamoqchi, biroq maoshining oshirilishini xohlaydi.

Eslatib o‘tamiz, joriy mavsum u klubi safida barcha musobaqalar doirasida 16 ta o‘yinda maydonga tushib, 11 ta gol urdi va 3 ta golli uzatmani amalga oshirdi.