«Бавария» спорт директори Хасан Салихамиджич ҳужумчи Эрик Шупо-Мотингнинг келажаги ҳақида фикр билдирди.

«Биз Эрикнинг агенти билан ижобий мулоқотдамиз. Уни сақлаб қолмоқчимиз. Шупо-Мотинг «Бавария»да қолишни истамоқда, ҳозир ажойиб формада, бизга унинг ўйинлари жуда ёқади. Шартноманинг барча тафсилотларини яқин келажакда ҳал қилишга ҳаракат қиламиз», - дейди функционер.

Маълумот учун, 33 ёшли футболчи ҳозирда йилига 3,5 миллион евро маош олади. Эрик-Максим Шупо-Мотинг клуб билан узоқ муддатли шартнома имзоламоқчи, бироқ маошининг оширилишини хоҳлайди.

Эслатиб ўтамиз, жорий мавсум у клуби сафида барча мусобақалар доирасида 16 та ўйинда майдонга тушиб, 11 та гол урди ва 3 та голли узатмани амалга оширди.