Мадриднинг «Реал» клуби президенти Флорентино Перес «Челси» ярим ҳимоячиси Энцо Фернандеснинг шов-шувли трансферини амалга ошириш ниятида. «Қироллик клуби» раҳбари аргентиналик юлдузнинг трансферини ўзининг президентлик кампаниясининг муҳим қисмига айлантиришни режалаштирмоқда, деб хабар беради Transfer News Live журналист Латиго Серранога таянган ҳолда.
Шунингдек, Перес «кўклар» хавбекининг харид қилинишини «орзусидаги трансфер» деб ҳисоблаши таъкидланган. Энцо Фернандеснинг «Реал»га ўтиши мумкинлиги ҳақидаги хабарлар анчадан бери тарқалиб келади. 25 ёшли футболчининг «Челси» билан амалдаги шартномаси 2032 йилгача мўлжалланган, унинг трансфер баҳоси эса Transfermarkt портали томонидан 90 миллион еврога баҳоланмоқда.
