"Liverpul" mavsumning birinchi qismini Chempionship klubi "Blekpul"da o‘tkazgan markaziy himoyachi Ris Uilyamsni ijaradan qaytarib oldi. Bu haqda "qizillar"ning rasmiy sayti xabar berdi.
21 yoshli futbolchi "Liverpul" tarbiyalanuvchisi bo‘lib, 2011 yildan beri klub akademiyasida o‘ynamoqda. Uilyams “Blekpul”dan tashqari “Suonsi Siti” va “Kidderminster” klublarida ijara asosida o‘ynagan. Mersisaydliklarning asosiy jamoasi uchun futbolchi to‘qqizta o‘yin o‘tkazdi.
Yurgen Klopp shogirdlari Angliya Premyer-ligasining joriy mavsumida 19 uchrashuvda 29 ochko jamg‘argan va turnir jadvalida 9-o‘rinda bormoqda.
