Portugaliyalik futbolchi Krishtianu Ronaldu «Manchester Yunayted» klubini tark etganidan so‘ng o‘z agenti Jorje Mendesh oldiga o‘zini «Bavariya» yoki «Chelsi»ga joylash talabini qo‘ygan.

37 yoshli futbolchi, agar mazkur talab bajarilmasa, agent bilan hamkorlikni bekor qilishini ta’kidlagan. Bu haqda El Mundo xabar tarqatdi.

Manbaga ko‘ra, Mendesh esa o‘yinchiga qarata "jinni bo‘lib qolibsan", deya javob qaytardi. Natijada ularning munosabati yomonlashdi va Ronalduning «An-Nasr»ga o‘tishini Mendesh emas, futbolchining do‘sti amalga oshirdi.

Ma’lumotlarga qaraganda, Mendesh va Ronaldu o‘rtasidagi munosabatlarning sovuqlashishi futbolchining "Real"dagi davridayoq boshlangan. Boisi, o‘shanda hujumchi Madridni erkin agent sifatida tark etishni istagan. Chunki, u yangi jamoaga o‘tib, xuddi Messi kabi ko‘p maosh olishni xohlagan.

Mendesh esa "Real"da qolishni maslahat bergan. Yakunda agent haq bo‘lib chiqdi. Chunki Ronaldu "Santyago Bernabeu"ni tark etganidan keyin uning ishari ortga keta boshladi.