«Bayer» «Rayo Valyekano»dan chap qanot himoyachisi Fran Garsiyani o‘z safiga qo‘shib olishga harakat qilib ko‘radi. «Relevo» xabariga ko‘ra, «dorichilar» ispan klubiga futbolchining shartnomasida ko‘rsatilgan 10 million yevro miqdoridagi tovon pulini to‘lashga tayyor.
E’tiborlisi, bu mablag‘ning 50 foizi «Real Madrid»ga tushadi. «Qirollik klubi» kelajakda himoyachini qaytarishni kutgan, biroq «Bayer» ularning rejalarini buzgan.
Garsiyaning o‘zi avvalroq bir kun kelib «Santyago Bernabeu»ga qaytishni orzu qilishini aytgandi. Joriy mavsumda 23 yoshli Fran Ispaniya chempionatida ikkita golli uzatmani amalga oshirdi.
