«Байер» «Райо Вальекано»дан чап қанот ҳимоячиси Фран Гарсияни ўз сафига қўшиб олишга ҳаракат қилиб кўради. «Relevo» хабарига кўра, «доричилар» испан клубига футболчининг шартномасида кўрсатилган 10 миллион евро миқдоридаги товон пулини тўлашга тайёр.
Эътиборлиси, бу маблағнинг 50 фоизи «Реал Мадрид»га тушади. «Қироллик клуби» келажакда ҳимоячини қайтаришни кутган, бироқ «Байер» уларнинг режаларини бузган.
Гарсиянинг ўзи аввалроқ бир кун келиб «Сантьяго Бернабеу»га қайтишни орзу қилишини айтганди. Жорий мавсумда 23 ёшли Фран Испания чемпионатида иккита голли узатмани амалга оширди.
