"PSJ" himoyachisi Presnel Kimpembe hujumchi Kilian Mbappening jamoa vise-sardoriga aylanganiga munosabat bildirdi. U Fransiya kubogining 1/16 finalida sardorlik bog‘ichida o‘ynadi.
“So‘nggi bir necha soat ichida men o‘zim haqimda ko‘p eshitdim va o‘qidim. Shuning uchun men haqimda yolg‘on ma’lumotlar tarqalmasligi uchun vaziyatga oydinlik kiritmoqchiman. Bu qarordan menga xabar berilmagan, bu butunlay yolg‘on... Biroq, men har doim klub qarorlarini hurmat qilaman”, - deb yozdi Kimpembe ijtimoiy tarmoqda.
"PSJ" bosh murabbiyi Kristof Galtye "Pey de Kassel"ga qarshi o‘yinda (7:0) Mbappe beshta gol urganidan keyin vise-sardor etib tayinlanganini e’lon qildi.