Jahon chempioni Alexandro Gomes «Sevilya»dan Braziliya A Seriyasiga o‘tishga yaqin turibdi.
Jurnalist Sezar Luis Merloning fikricha, argentinalik yarim himoyachi «Vasko da Gama» futbolchisiga aylanishi mumkin. Xabar qilinishicha, klublar rahbarlari ushbu transfer bo‘yicha dastlabki muzokaralarni o‘tkazib, bitim shartlarini kelishib olishgan. Gomesning o‘zi Braziliyaga borish istagini bildirgan.
Joriy mavsumda «Sevilya» libosida argentinalik yarim himoyachi barcha musobaqalarda 17 ta o‘yin o‘tkazib, 2 ta golli uzatmani amalga oshirdi. Transfermarkt portali jahon chempionining narxini to‘rt million yevroga baholagan.
