“Roma” hujumchisi Eldor Shomurodov ijara asosida “Spesiya”ga o‘tadi.

So‘nggi bir necha hafta mobaynida o‘zbekistonlik futbolchiga turli klublardan qiziqish bo‘layotgandi.

Eldor joriy mavsum juda kam o‘yin amaliyotiga ega bo‘lmoqda va shu sababdan rimliklar safini tark etishga qaror qilgan. Shomurodov faoliyatini Italiyaning boshqa bir jamoasida davom ettiradi.

Sky Sports nashrining xabariga ko‘ra, “Spesiya” Shomurodovni ijaraga olish bo‘yicha kelishuvga erishgan. Shomurodovning o‘zi ham A Seriya klubiga o‘tishga rozilik bergan.

“Spesiya” “Roma”ga ijara uchun 1,5 million yevro to‘lab berishi kutilmoqda.