Darvozabon Benua Kostil «Oser»dan «Lill»ga ko‘chib o‘tdi. 35 yoshli fransiyalik futbolchi klub bilan 2023 yilning iyuniga qadar shartnoma imzoladi.
«Fransiyadagi eng katta klublardan biriga qo‘shilganimdan juda xursandman. Bu ham men uchun yangi chaqiriq. Muxlislarga shuni aytmoqchimanki, yaxshi o‘yin ko‘rsatish niyatim bor va mavsum yakunida barchamiz xursand bo‘lamiz. Umid qilamanki, biz tezda bir-birimizni qadrlashni o‘rganamiz», dedi yangi kelgan futbolchi.
Ma’lumot uchun, Kostil 2014 yildan beri muntazam ravishda Fransiya terma jamoasiga chaqirilib kelinmoqda. 2016 yilda u jamoa bilan Yevropa vise-chempioniga aylangan.
