Taniqli jurnalist Janluka di Marsio «Chelsi» bilan shartnoma imzolagan Mixail Mudrikning transferi bo‘yicha «Arsenal»ning muvaffaqiyatsiz kelishuvidan so‘ng transfer bozoridagi strategiya haqida gapirdi.

Eslatib o‘tamiz, shu oyda London klubi avvalroq Italiyaning «Spesiya» klubida to‘p tepgan polshalik himoyachi Yakub Kivior bilan shartnoma imzoladi.

Di Marsioning so‘zlariga ko‘ra, bu xarid oxirigacha ma’lum bo‘lmagan, bu «Arsenal» tanlagan «jim rejimi»dan dalolat beradi.

«Mudrik transferi muvaffaqiyatsizlikka uchragach, «Arsenal» jimlik siyosatini ilgari surdi. Ular Kivior bilan kelishuv amalga oshmaguncha hech kimga bu haqda gapirmaslikka qaror qildi, to‘g‘ri, bu ruhiyat masalasi. Men «Arsenal»ni tushunaman, chunki «Chelsi» ko‘proq pul taklif qilishi tabiiy hol», - dedi Di Marsio.