«Bavariya» va Germaniya terma jamoasi yarim himoyachisi Jamol Musiala milliy terma jamoaning 2022 yildagi eng yaxshi futbolchisi sovrinini olish paytidagi his-tuyg‘ulari bilan o‘rtoqlashdi.
«Bu men uchun katta sharaf. Men ushbu mukofotni olganimdan juda xursandman. Buni umuman kutmagandim. Menga ovoz bergan barchaga rahmat aytmoqchiman.
Bu terma jamoa bilan ishlashda davom etish, yaxshilanish va muvaffaqiyatga erishish uchun rag‘batdir.
Asosiy maqsad ham shu aslida. Shaxsiy mukofot yaxshi, lekin men Germaniya terma jamoasi safida jahon chempionatida ko‘proq yutuqlarga erishmoqchiman», - dedi Musiala.
Eslatib o‘tamiz, Jamol Musiala Germaniyada 2022 yilning eng yaxshi futbolchisi deb topildi.
19 yoshli Musiala Germaniya terma jamoasi safida 20 ta o‘yin o‘tkazib, bitta gol urgan. 2022 yilgi jahon chempionatida u terma jamoa safida uchta o‘yin o‘tkazdi.
