«Бавария» ва Германия терма жамоаси ярим ҳимоячиси Жамол Мусиала миллий терма жамоанинг 2022 йилдаги энг яхши футболчиси совринини олиш пайтидаги ҳис-туйғулари билан ўртоқлашди.
«Бу мен учун катта шараф. Мен ушбу мукофотни олганимдан жуда хурсандман. Буни умуман кутмагандим. Менга овоз берган барчага раҳмат айтмоқчиман.
Бу терма жамоа билан ишлашда давом этиш, яхшиланиш ва муваффақиятга эришиш учун рағбатдир.
Асосий мақсад ҳам шу аслида. Шахсий мукофот яхши, лекин мен Германия терма жамоаси сафида жаҳон чемпионатида кўпроқ ютуқларга эришмоқчиман», - деди Мусиала.
Эслатиб ўтамиз, Жамол Мусиала Германияда 2022 йилнинг энг яхши футболчиси деб топилди.
19 ёшли Мусиала Германия терма жамоаси сафида 20 та ўйин ўтказиб, битта гол урган. 2022 йилги жаҳон чемпионатида у терма жамоа сафида учта ўйин ўтказди.
