Juma kuni Angliya kubogi doirasida "Manchester Siti" va "Arsenal" klublari to‘qnash kelishdi.

“Kanonirlar” himoyachisi Aleksandr Zinchenko uchun bu sobiq jamoasiga qarshi ilk uchrashuv edi. “Shaharliklar” 1:0 hisobida g‘alaba qozonishdi va final hushtagidan so‘ng ukrainalik futbolchi juda bezovta ko‘rindi. Jiddiy chehra bilan Zinchenko sobiq jamoadoshlariga nimalarnidir gapirayotgan edi, ulardan ba’zilari, xususan Ilkay Gyundogan, Ruben Diash va Kayl Uoker bunga javoban faqat kulishdi. Ayniqsa, Zinchenko Rodrining quchog‘idan qochishga urinib ko‘rgan, Diash esa yaqin joyda kulib turgan payti diqqatga sazovordir.

O‘ziga kelib olgach Zinchenko ijtimoiy tarmoqda post qoldirdi. Ukrainalik futbolchi “Manchester Siti” futbolchilarini ko‘rganidan xursand ekanligini ta’kidladi, shuningdek, “Etihad Stadium”ga qabul uchun minnatdorchilik bildirdi. Ko‘rinishidan, Zinchenkoning sobiq jamoadoshlari bilan hech qanday muammosi yo‘q va uning kayfiyatsizligi faqat muvaffaqiyatsizlikdan hafsalasi pir bo‘lgani bilan bog‘liq ekanligini ma’lum bo‘ldi.