Karlo Anchelotti "Real"ning o‘yin uslubini tanqid qilingani haqida gapirdi.
"O‘tgan yili Chempionlar ligasida g‘alaba qozonganimizda ham shunday bo‘lgandi. Lekin biz yaxshi futbol o‘ynaymiz – goh yaxshi, goh yomonroq.
Bizda aniq o‘yin falsafasi yo‘q, lekin biz buni xohlamaymiz. Mening jamoam ko‘p narsalarni qila oladi. Odamlar falsafaning yetishmasligini o‘yin yetishmasligi bilan aralashtiradilar.
"Real Sosyedad"ga qarshi o‘yin qiyin kechadi. Biz hujumda ham, himoyada ham yaxshi o‘ynashimiz kerak. Maqsadimiz - "Atletiko"ga qarshi birinchi bo‘limdagidan yaxshiroq o‘ynash", - dedi madridliklar bosh murabbiyi.
