Italiya terma jamoasi tarkibida 2006 yilda Jahon chempioni bo‘lgan "Bavariya" va "Yuventus"ning sobiq hujumchisi Luka Toni uzoq yillik faoliyati sirini aytib berdi. O‘zining so‘nggi mavsumida u Italiya chempionatining eng yaxshi to‘purariga aylandi. O‘sha paytda u 38 yoshda edi.
“Uzoq karera siri? Bu g‘azabdir. Qariyotganingizni, karyerangizni tugatish vaqti kelganini aytishganda, sizni bor kuchingizni berishga majbur qiladigan g‘azab. Bu tanqidlar oyoqlaringiz uchun benzinga, tanangiz uchun adrenalinga aylanadi", - deya sobiq futbolchining so‘zlaridan iqtibos keltiradi ITASportPress.
Futbolchi faoliyatini 2016 yilda “Verona”da yakunlagandi. Umuman olganda, u faoliyati davomida 577 ta o‘yin o‘tkazib, 269 ta gol urgan.
