Xabaringiz bor, serbiyalik tennischi Novak Jokovich Avstraliya ochiq chempionati g‘olibiga aylandi va «Katta dubulg‘a» turkumiga kiruvchi turnirlarda sovrinlar soni bo‘yicha ispaniyalik Rafael Nadalga yetib oldi. Har ikki tennischi hisobida 22 ta yirik g‘alaba bor.

Jokovich Avstraliya ochiq chempionatida 10 marta, Uimbldonda yetti marta, AQSH ochiq chempionatida uch marta va Fransiya ochiq chempionatida ikki marta g‘olib chiqqan. Nadal Rolan Garrosda 14 ta, AQSH Ochiq chempionatida 4 ta, Uimbldon va Avstraliya Ochiq chempionatida ikkitadan g‘alaba qozongan.

Avstraliya Ochiq chempionatining joriy mavsumida Novak Jokovich gresiyalik tennischi Stefanos Sisipasni mag‘lub etdi. Jokovich uchun bu g‘alaba Sisipas ustidan rasmiy o‘yinlardagi ketma-ket 10-si bo‘ldi. Gresiyalik Avstraliya ochiq chempionatida ilk finalini o‘tkazdi.