"PSJ" so‘nggi uchta o‘yinning bittasida g‘alaba qozongan.

Kristof Galtye shogirdlari Fransiya chempionatining 20-turida o‘z uyida “Reyms” bilan bahsda tayyor g‘alabani qo‘ldan chiqardi (1:1), 96-daqiqada raqib gol urib, durangga erishdi.

Bungacha parijliklar Fransiya kubogida 6-liga vakili “Pays de Kassel”ni mag‘lub etishgan va chempionatda “Renn”ga imkoniyatni boy berishgan (0:1).

Liga 1da parijliklar so‘nggi 4 o‘yinda faqat bitta g‘alabaga erishdi - "Anje" (2:0). Bu davrda shuningdek "Lans"dan mag‘lubiyat (1:3) qayd etildi, bu esa liga peshqadami uchun mavsumning birinchisi bo‘ldi.