"ПСЖ" сўнгги учта ўйиннинг биттасида ғалаба қозонган.

Кристоф Галтье шогирдлари Франция чемпионатининг 20-турида ўз уйида “Реймс” билан баҳсда тайёр ғалабани қўлдан чиқарди (1:1), 96-дақиқада рақиб гол уриб, дурангга эришди.

Бунгача парижликлар Франция кубогида 6-лига вакили “Пайс де Кассель”ни мағлуб этишган ва чемпионатда “Ренн”га имкониятни бой беришган (0:1).

Лига 1да парижликлар сўнгги 4 ўйинда фақат битта ғалабага эришди - "Анже" (2:0). Бу даврда шунингдек "Ланс"дан мағлубият (1:3) қайд этилди, бу эса лига пешқадами учун мавсумнинг биринчиси бўлди.