Bir necha oydirki, "Milan" klubi Rafael Leau bilan shartnomani uzaytirish borasida muzokara olib borishga harakat qilmoqda. Biroq, La Gazzetta dello Sport nashrining xabariga ko‘ra, bu borada hech qanday o‘zgarish yo‘q.
Asosiy muammo - bu band bo‘yicha tomonlarning turli qarashlari. Rafael Leau yangi shartnomasiga 70-80 million yevroga sotib olish variantini kiritmoqchi (hozir bu bandda 150 million ko‘rsatilgan). "Milan" bunga tayyor emas, chunki klub bu variantni butunlay olib tashlashni afzal ko‘rmoqda.
Rafaell Leauning amaldagi shartnomasi 2024 yilning o‘rtalariga qadar mo‘ljallangan. 23 yoshli portugaliyalik futbolchi "Milan" safida 142 ta o‘yin o‘tkazib, 36 ta gol urgan va 30 ta golga assistentlik qilgan.
