Fransiyaning “Renn” klubi o‘z ijtimoiy tarmoqlarida yangi futbolchi – “Tottenxem”ning o‘ng qanot himoyachisi Jed Spensni tanishtirdi. 22 yoshli futbolchi “Renn”da ijara asosida to‘p tepadi.
Yosh o‘yinchini ijaraga berishdan maqsad aniq - bu o‘yin amaliyoti, Chunki bu mavsumda Spens "Tottenxem" safida barcha musobaqalarda bor-yo‘g‘i oltita o‘yinda maydonga tushdi va hech qanday alohida narsa bilan esda qolmadi.
Fransiya chempionatining joriy mavsumida “Renn” 20 turda 37 ochko jamg‘arib, beshinchi o‘rinda bormoqda. Yevropa ligasida “Renn” 1/16 final bosqichida “Shaxtyor” bilan to‘qnash keladi.
