"Shaxtyor" va Ukraina terma jamoasi himoyachisi Sergey Krivsov Mayamining "Inter" klubiga ko‘chib o‘tdi, deb xabar beradi MLS jamoasi sayti. Yangi kelgan futbolchi 2+1 sxemasi bo‘yicha AQSH klubi bilan shartnoma imzoladi.
2010 yildan beri Krivsov Ukrainaning "Shaxtyor" jamoasida o‘ynadi va u bilan sakkiz karra mamlakat chempioni bo‘ldi. U “Shaxtyor” safida jami 224 ta o‘yin o‘tkazib, 14 ta gol urgan.
Shuningdek, 31 yoshli himoyachi Ukraina terma jamoasi safida 31 ta o‘yinda maydonga tushdi.
"Inter"ning egalari guruhiga Angliya terma jamoasining sobiq sardori Devid Bekxem kiradi.
