Avval xabar berganimizdek, 2023 yilgi futbol mavsumi oldidan O‘FA maxsus inspeksiyasi vakillari tomonidan Superliganing bir qator jamoalari ishtirokida seminarlar o‘tkazilmoqda. Navbatdagi ana shunday seminar «Bunyodkor» futbol klubi bilan bo‘lib o‘tdi.
Unda O‘FA maxsus inspeksiyasi vakillari kelishilgan o‘yinlarga yo‘l qo‘ymaslik, uning salbiy oqibatlari va qo‘llaniladigan keskin choralar haqida tushunchalar berib o‘tdilar. Klub rahbariyati, murabbiylar va futbolchilarga mavzuga oid ma’lumotlar taqdim etildi.