Аввал хабар берганимиздек, 2023 йилги футбол мавсуми олдидан ЎФА махсус инспекцияси вакиллари томонидан Суперлиганинг бир қатор жамоалари иштирокида семинарлар ўтказилмоқда. Навбатдаги ана шундай семинар «Бунёдкор» футбол клуби билан бўлиб ўтди.
Унда ЎФА махсус инспекцияси вакиллари келишилган ўйинларга йўл қўймаслик, унинг салбий оқибатлари ва қўлланиладиган кескин чоралар ҳақида тушунчалар бериб ўтдилар. Клуб раҳбарияти, мураббийлар ва футболчиларга мавзуга оид маълумотлар тақдим этилди.