«Roma» bosh murabbiyi Joze Mourinyoga tarkibni kuchaytirish zarurligi haqida savollar kelishda davom etmoqda. Italiya Kubogidan chetlatilgach, portugaliyalik murabbiy rotasiya qilish imkoniyati yo‘qligini aytdi.
Eslatib o‘tamiz, «Roma» chorshanba kuni o‘z maydonida «Kremoneze»ga 1:2 hisobida mag‘lub bo‘lgandi.
«Endi bor e’tiborimizni keyingi o‘yinga qaratishimiz kerak. Ammo shuni unutmasligimiz kerakki, hozirgi tarkib bilan rotasiyani qo‘llash qiyin», - dedi Mourinyo jurnalistlarga.
«Biz Neapolda yutqazganimizda boshqacharoq natijaga loyiq edik, ajoyib o‘yin o‘tkazdik. Men jamoa bilan faxrlanaman», - deya qo‘shimcha qildi portugaliyalik.
