Himoyachi Benjamin Pavar «Barselona»ning qiziqish markazida qolmoqda. Kataloniya klubi fransiyalik futbolchini yozgi transfer oynasida qo‘lga kiritishga harakat qiladi.

Ispaniyaning Sport nashri xabariga ko‘ra, «Bavariya» allaqachon «Barselona»ga Pavarning narxi haqida ma’lum qilgan. Myunxenliklar himoyachi uchun 30 million yevro so‘raydi.

Qayd etilishicha, «Bavariya» Benjaminni sotishdan tushgan pulni «Manchester Siti»dan Joau Kanseluni sotib olish uchun ishlatmoqchi. Myunxen klubi o‘tgan kuni portugaliyalik himoyachini ijaraga oldi.