Serxio Ramos Chempionlar ligasi pley-off bosqichi boshlanishiga qadar jarohatidan tiklanishi mumkin.

Eslatib o‘tamiz, "PSJ" himoyachisi Liga 1da "MonpelYE"ga qarshi o‘yinda (3:1) qo‘shimcha mushaklarini shikastlab olgan edi.

L'Equipe xabariga ko‘ra, jarohatning og‘irligi unchalik yuqori emas. Katta ehtimol bilan ispaniyalik futbolchi Chempionlar ligasining 1/8 finalida "Bavariya"ga qarshi birinchi o‘yinda ishtirok eta oladi. U 14 fevral kuni bo‘lib o‘tadi.

Futbolchining tiklanishining aniq vaqti kelgusi tekshiruvlardan so‘ng ma’lum bo‘ladi.

Ramos joriy mavsum Liga 1da 19 ta o‘yinda maydonga tushdi.