Statistik ma’lumotlarga asoslangan mashhur «Squawka Football» portali «Arsenal» hujumchisi Gabi Jezusning bir ko‘rsatkichiga to‘xtaldi. 

Unga ko‘ra, APL bahslarida joriy mavsum hech bir futbolchi braziliyalik futbolchidan ko‘ra ko‘proq raqib jarima maydoni ichida to‘pga teginmagan (10.1, har bir o‘yinga).

Eslatib o‘tamiz, ayni damda «Arsenal» Premyer-liga turnir jadvalini «Man Siti»dan 5 ochkolik farq bilan boshqarib bormoqda. Jezus esa 14 ta o‘yinda maydonga tushib, 5+6 natijani qayd etmoqda. Uning transfer narxi 75 million yevroga teng.