Saudiya Arabistoni chempionatining 15-turida "Al-Fatix" klubi o‘z maydonida "An-Nasr" jamoasini qabul qildi.
Maydon egalari avvaliga hisobni ochdi. Keyin Taliska hisobni tenglashtirdi. 58-daqiqada Bendebkaning goli evaziga yana mezbonlar hisobda oldinga chiqib olishdi. O‘yinning 65-daqiqasida Yahyoning o‘rniga Masharipov maydonga tushganidan keyin "An-Nasr"ning o‘yinida yaxshilanish kuzatildi. Uyushtirilgan tinimsiz hujumlar natijasida Jaloliddin Masharipov penalti ishladi. Belgilangan 11 metrli jarima zarbasini Ronaldu aniq amalga oshirib, jamoasini mag‘lubiyatdan qutqarib qoldi.
"Al-Fatix" – "An-Nasr" 2:2
3 fevral, 20.00, «Prince Abdullah bin Jalawi Sports City Stadium»
Gollar: 1:0 – 12 Telyo, 1:1 – 42 Taliska, 2:1 – 58 Bendebka, 2:2 – 90, penalti Ronaldu.
"Al-Fatix" – Rinne, Al-Zubaydi (Al-Jari, 81), Al-Daxim, Saadan, Buxumaid (Al Najdi, 62), Al-Fuxaid (Al-Musa, 81), Petros, Al-Breykan, Telyo (Al-Jassem, 72), Bendebka, Al-Xulayf (Alotma, 62).
"An-Nasr" – Rossi, Al-Ganam (Bushal, 83), Al-Avdjami (Al-Xassan, 87), Al-Amri, Konan, Luis Gustavo, Taliska, Al-Xaybari (Al-Sulayxim, 65), Yahyo (Masharipov, 65), Ronaldu, Garib (Martines, 65).
Ogohlantirishlar: Bendebka (63), Al-Avdjami (78), Ronaldu (90), Al-Daxim (90).
Chetlatish: Taliska (90).
