Саудия Арабистони чемпионатининг 15-турида "Ал-Фатих" клуби ўз майдонида "Ан-Наср" жамоасини қабул қилди.

Майдон эгалари аввалига ҳисобни очди. Кейин Талиска ҳисобни тенглаштирди. 58-дақиқада Бендебканинг голи эвазига яна мезбонлар ҳисобда олдинга чиқиб олишди. Ўйиннинг 65-дақиқасида Яҳёнинг ўрнига Машарипов майдонга тушганидан кейин "Ан-Наср"нинг ўйинида яхшиланиш кузатилди. Уюштирилган тинимсиз ҳужумлар натижасида Жалолиддин Машарипов пенальти ишлади. Белгиланган 11 метрли жарима зарбасини Роналду аниқ амалга ошириб, жамоасини мағлубиятдан қутқариб қолди.

"Ал-Фатих" – "Ан-Наср" 2:2

3 февраль, 20.00, «Prince Abdullah bin Jalawi Sports City Stadium»

Голлар: 1:0 – 12 Тельо, 1:1 – 42 Талиска, 2:1 – 58 Бендебка, 2:2 – 90, пенальти Роналду.

"Ал-Фатих" – Ринне, Ал-Зубайди (Ал-Жари, 81), Ал-Дахим, Саадан, Бухумаид (Ал Нажди, 62), Ал-Фухаид (Ал-Муса, 81), Петрос, Ал-Брейкан, Тельо (Ал-Жассем, 72), Бендебка, Ал-Хулайф (Алотма, 62).

"Ан-Наср" – Росси, Ал-Ганам (Бушаль, 83), Ал-Авджами (Ал-Хассан, 87), Ал-Амри, Конан, Луис Густаво, Талиска, Ал-Хайбари (Ал-Сулайхим, 65), Яҳё (Машарипов, 65), Роналду, Гариб (Мартинес, 65).

Огоҳлантиришлар: Бендебка (63), Ал-Авджами (78), Роналду (90), Аль-Дахим (90).

Четлатиш: Талиска (90).