"Manchester Yunayted" hujumchisi Meyson Grinvud faoliyatini Xitoy chempionatida davom ettirishi mumkin, deb xabar beradi The Sun.
Manba bergan xabarga ko‘ra, 21 yoshli angliyalik "Manchester Yunayted" uning shartnomasini bekor qilishga qaror qilgan taqdirda, shunday variantni ko‘rib chiqmoqda. Shu bilan birga, futbolchining o‘zi ham "qizil iblislar" safida o‘ynashni istamayapti, uning fikricha, klub zo‘rlashga urinish va tajovuzda ayblangan vaziyatda uni yetarlicha himoya qilmagan.
2 fevral kuni Buyuk Manchester polisiyasi Grinvud barcha ayblovlardan oqlanganini e’lon qildi.