"Chelsi" hujumchisi Pyer-Emerik Obameyang Chempionlar ligasi pley-off bosqichi uchun jamoa tarkibiga kiritilmaganini bilib, Londonni tark etdi, deb xabar beradi The Telegraph.
Manbaga ko‘ra, 33 yoshli gabonlik ingliz klubi rahbariyatining bu qaroridan hafsalasi pir bo‘lgan va oilasi bilan vaqt o‘tkazish va kelajagi haqida o‘ylash uchun Milanga uchib ketgan.
Eslatib o‘tamiz, Obameyang o‘tgan yozda "Barselona"dan 12 million evro evaziga "Chelsi"ga o‘tgan edi. Umuman olganda, hujumchi "ko‘klar" safida 17 ta o‘yin o‘tkazib, 3 ta gol va bitta golli uzatmaga mualliflik qilgan.