"Челси" ҳужумчиси Пьер-Эмерик Обамеянг Чемпионлар лигаси плей-офф босқичи учун жамоа таркибига киритилмаганини билиб, Лондонни тарк этди, деб хабар беради Тhe Telegraph.
Манбага кўра, 33 ёшли габонлик инглиз клуби раҳбариятининг бу қароридан ҳафсаласи пир бўлган ва оиласи билан вақт ўтказиш ва келажаги ҳақида ўйлаш учун Миланга учиб кетган.
Эслатиб ўтамиз, Обамеянг ўтган ёзда "Барселона"дан 12 миллион эвро эвазига "Челси"га ўтган эди. Умуман олганда, ҳужумчи "кўклар" сафида 17 та ўйин ўтказиб, 3 та гол ва битта голли узатмага муаллифлик қилган.