“Leypsig” mag‘lubiyatsiz seriyasini 18 ta o‘yinga yetkazdi.
Marko Rouz shogirdlari Bundesliganing 19-turida “Kyoln” bilan durang o‘ynadi (0:0).
“Leypsig” oxirgi marta 17 sentyabr kuni Germaniya chempionatida Gladbaxning “Borussiya”siga mag‘lub bo‘lgandi (0:3). O‘shandan beri u 14 g‘alaba va 4 durang qayd etgan.
Umuman olganda, 7 sentyabr kuni bo‘lib o‘tgan Domeniko Tedeskoning iste’fosidan keyin "Leypsig" 2 marta mag‘lub bo‘ldi.
Keyingi bahsda jamoa Bundesligada “Union” bilan o‘ynaydi. Uchrashuv 11 fevral kuni bo‘lib o‘tadi.