“Лейпциг” мағлубиятсиз сериясини 18 та ўйинга етказди.
Марко Роуз шогирдлари Бундеслиганинг 19-турида “Кёлн” билан дуранг ўйнади (0:0).
“Лейпциг” охирги марта 17 сентябрь куни Германия чемпионатида Гладбахнинг “Боруссия”сига мағлуб бўлганди (0:3). Ўшандан бери у 14 ғалаба ва 4 дуранг қайд этган.
Умуман олганда, 7 сентябрь куни бўлиб ўтган Доменико Тедесконинг истеъфосидан кейин "Лейпциг" 2 марта мағлуб бўлди.
Кейинги баҳсда жамоа Бундеслигада “Унион” билан ўйнайди. Учрашув 11 февраль куни бўлиб ўтади.
