“Roma” hujumchisi Temmi Abraxam A seriya doirasidagi “Empoli” ustidan qozonilgan g‘alaba (2:0) haqida fikr bildirdi.
Abraxam gol urdi. U 200 kundan ko‘proq vaqt davomida "Olimpiko" stadionida A Seriyaning uy o‘yinida gol ura olmagandi.
"Birinchi 25-30 daqiqada biz A Seriyada g‘alaba qozona oladigan jamoaga o‘xshdik. Biz faqat davom etishimiz kerak. Gol men uchun juda muhim edi, anchadan beri o‘z stadionimizda gol urmagandim. O‘tgan mavsumda bu yerda juda ko‘p gol urdim va bu mavsumda birinchi golni kuta olmadim. Umid qilamanki, o‘z uyimda, o‘zimga yoqadigan joyda gol urishda davom eta olaman", — deya Abraxam so‘zlarini keltiradi Football Italia.
Shuningdek, 25 yoshli futbolchi Paulo Dibala "Empoli"ga qarshi o‘yinda ikkita golli uzatma bergani haqida gapirdi.
"Paulo - o‘zgacha futbolchi, biz hammamiz uning nimaga qodirligini bilamiz, biz birga yaxshi ishlaymiz. Bugun u menga assistentlik qildi, shuning uchun biz golli uzatmalar va gollarni baham ko‘rishda davom etayotganimiz maqul. U g‘olib, xuddi men kabi, jamoadoshlarim kabi, biz ham g‘alaba qozonishni xohlaymiz va u bizga kerakli tajribani olib keldi ”, dedi angliyalik forvard.
