Italiyalik jurnalist Fabrisio Romanoning xabar berishicha, "Roma" yarim himoyachi Nikolo Dzanyoloni "Galatasaroy"ga sotish bo‘yicha muzokaralar olib bormoqda.
Manbaga ko‘ra, Rim klubi ijara variantini ko‘rib chiqmayapti, biroq italiyalikni to‘liq sotmoqchi. Futbolchining o‘zi "Roma" rahbariyati bilan munosabatlari yomon bo‘lgani uchun turk jamoasiga o‘tishga tayyor.
23 yoshli yarim himoyachi avvalroq jamoadan ketishni so‘ragan edi. "Roma" Angliyaning "Bornmut" klubidan rasmiy taklif oldi va uni qabul qildi, biroq futbolchining o‘zi transferni rad etdi.
Dzanyolo va rimliklar o‘rtasidagi amaldagi kelishuv 2024 yilning yoziga qadar tuzilgan.
Joriy mavsumda u "Roma" safida barcha turnirlarda 17 ta o‘yinda maydonga tushib, 2 ta gol urdi va 3 ta golga assistentlik qildi. Uning qiymati, Transfermarkt ma’lumotlariga ko‘ra, 30 million yevroni tashkil qiladi.













